2016 jylǵy 24 qazan, Astana, Úkimet Úıi
«Qazaqstan Respýblıkasynyń azamattary bolyp tabylatyn balalardy asyrap alýǵa berý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 30 naýryzdaǵy №380 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynyń azamattary bolyp tabylatyn balalardy asyrap alýǵa berý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 30 naýryzdaǵy № 380 qaýlysyna (Qazaqstan Respýblıkasynyń PÚAJ-y, 2012 j., № 40, 521-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Qazaqstan Respýblıkasynyń azamattary bolyp tabylatyn balalardy asyrap alýǵa berý qaǵıdalarynda:
1-tarmaqtyń 3) tarmaqshasy mynadaı redaksııada jazylsyn:
«3) Jetim balalardyń, ata-analarynyń qamqorlyǵynsyz qalǵan balalardyń jáne balalardy óz otbasyna tárbıeleýge qabyldaýǵa tilek bildirgen adamdardyń respýblıkalyq derekter bankinde (budan ári - Respýblıkalyq derekter banki) jetim balalar men ata-anasynyń qamqorlyǵynsyz qalǵan balalardyń ortalyqtandyrylǵan esepte turǵan (budan ári - ortalyqtandyrylǵan esepke alý) balalardy Qazaqstan Respýblıkasynan tys jerde turaqty turatyn Qazaqstan Respýblıkasynyń azamattaryna, sheteldikterge asyrap alýǵa berý tártibin aıqyndaıdy.»;
3-tarmaqta:
2) jáne 4) tarmaqshalar mynadaı redaksııada jazylsyn:
«2) baladan bas tartqan;»;
«4) týystaryna, asyrap alynatyn balanyń (balalardyń) anasymen nemese ákesimen nekede (erli-zaıyptylyqta) turatyn adamdarǵa balany asyrap alýǵa kelisim bergen;»;
mynadaı mazmundaǵy besinshi bólikpen tolyqtyrylsyn:
«Qazaqstan Respýblıkasynyń azamattarymen nekede turatyn sheteldikterdiń Qazaqstan Respýblıkasynyń azamaty bolyp tabylatyn balany Qazaqstan Respýblıkasynyń aýmaǵynda asyrap alýy osy Kodekste sheteldikter úshin belgilengen tártippen júrgiziledi.»;
4-tarmaqta:
9) tarmaqsha mynadaı redaksııada jazylsyn:
«9) bala asyrap alǵan kezde qasaqana qylmys jasaǵany úshin joıylmaǵan nemese alynbaǵan sottalǵandyǵy bar adamdardy, sondaı-aq osy tarmaqtyń 14) tarmaqshasynda kórsetilgen adamdardy;»;
13) tarmaqshadaǵy «adamdardy qospaǵanda, kámeletke tolǵan adamdar bala asyrap alýshylar bolýy múmkin.» degen sózder «adamdardy;» degen sózben aýystyrylyp, mynadaı mazmundaǵy 14) tarmaqshamen tolyqtyrylsyn:
«14) adam óltirý, densaýlyqqa qasaqana zııan keltirý, halyq densaýlyǵyna jáne ımandylyqqa, jynystyq tıispeýshilikke qarsy qylmystyq quqyq buzýshylyqtary, ekstremıstik nemese terrorıstik qylmystary, adam saýdasy úshin sottalǵandyǵy bar nemese bolǵan, qylmystyq qýdalaýǵa ushyrap otyrǵan nemese ushyraǵan adamdardy qospaǵanda (Qazaqstan Respýblıkasy Qylmystyq-prosestik kodeksiniń 35-baby birinshi bóliginiń 1) jáne 2) tarmaqshalary negizinde ózderine qatysty qylmystyq qýdalaý toqtatylǵan adamdardy qospaǵanda), kámeletke tolǵan adamdar bala asyrap alýshylar bolýy múmkin.»;
5 jáne 6-tarmaqtar mynadaı redaksııada jazylsyn:
«5. Bala asyrap alýshy men asyrap alynatyn balanyń jas aıyrmasy keminde on alty jas bolýǵa tıis. Sot dáleldi dep tanyǵan sebepter boıynsha jas aıyrmasy qysqartylýy múmkin.
Balany ógeı ákesi (ógeı sheshesi) asyrap alǵan kezde, osy tarmaqtyń birinshi bóliginde belgilengen jas aıyrmasynyń bolýy talap etilmeıdi.
6. Organnyń osy Qaǵıdalardyń 3-tarmaǵynyń 1)-3), 5) jáne 6) tarmaqshalarynda kórsetilgen balalardy asyrap alýǵa ruqsat berýi úshin qyzmet tártibi men quramyn Qazaqstan Respýblıkasynyń balalardyń quqyqtaryn qorǵaý salasyndaǵy ýákiletti organy aıqyndaıtyn komıssııanyń (budan ári - komıssııa) qorytyndysy negiz bolyp tabylady.
Balany ógeı ákesi (ógeı sheshesi) asyrap alǵan nemese balany ata-analarynyń kelisimi boıynsha týystary asyrap alǵan jaǵdaıda, asyrap alýdyń balanyń múddelerine sáıkestigi týraly qorytyndy talap etilmeıdi.»;
8-tarmaq mynadaı redaksııada jazylsyn:
«8. Qazaqstan Respýblıkasynyń azamattary bolyp tabylatyn jáne balalardy asyrap alýǵa tilek bildirgen týystary bala turatyn jerdegi organǵa nemese Respýblıkalyq derekter banki arqyly:
1) balany asyrap alýǵa tilek bildirgeni týraly jazbasha ótinishti;
2) jeke basyn kýálandyratyn qujattyń kóshirmesin;
3) jaqyn týystarynyń balany asyrap alýǵa jazbasha kelisimin;
4) jıyntyq tabystyń mólsheri týraly anyqtamany;
5) otbasy jaǵdaıy týraly anyqtamany;
6) azamattardyń jáne jaqyn týystarynyń densaýlyq jaǵdaıy, onyń ishinde psıhıkalyq saýlyǵy, esirtkige (ýytqumarlyqqa), alkogolge táýeldi emestigi týraly anyqtamany;
7) sottalmaǵandyǵy týraly anyqtamany;
8) turǵyn úı-jaıǵa menshik quqyǵyn nemese turǵyn úı-jaıdy paıdalaný quqyǵyn rastaıtyn qujattyń kóshirmesin usynady.»;
11-tarmaq mynadaı redaksııada jazylsyn:
«11. Bala bilim berý, medısınalyq jáne ózge de uıymda bolǵan jaǵdaıda bala turatyn jerdegi organ balaǵa barý jáne onymen qarym-qatynas jasaý úshin týystaryna osy Qaǵıdalarǵa 1-qosymshaǵa sáıkes Respýblıkalyq derekter banki qalyptastyrǵan joldama beredi.»;
19-tarmaq mynadaı redaksııada jazylsyn:
«19. Bala asyrap alýshylar bolý múmkindigi týraly qorytyndynyń jáne bala asyrap alýǵa úmitkerlerdi tirkeý jeri boıynsha organnyń suraý salýy negizinde oblystyń, respýblıkalyq mańyzy bar qalanyń, astananyń bilim berýdi basqarý organy Qazaqstan Respýblıkasynyń aýmaǵynda turaqty turatyn Qazaqstan Respýblıkasynyń azamattary úshin bala asyrap alýǵa úmitkerlerge balany tańdap alýǵa osy Qaǵıdalarǵa 1-qosymshaǵa sáıkes Respýblıkalyq derekter banki qalyptastyrǵan joldama beredi.»;
27 jáne 28-tarmaqtar mynadaı redaksııada jazylsyn:
«27. Qazaqstan Respýblıkasynan tys jerde turaqty turatyn Qazaqstan Respýblıkasynyń azamattary, bala asyrap alýǵa úmitker jáne belgilengen tártippen bala asyrap alý jónindegi akkredıttelgen agenttikter arqyly tirkelgen sheteldikter ýákiletti organǵa Respýblıkalyq derekter banki arqyly:
1) balany asyrap alýǵa tilek bildirgeni týraly jazbasha ótinishti;
2) tabystary týraly anyqtamany;
3) otbasy jaǵdaıy týraly anyqtamany;
4) pasporttardyń kóshirmelerin;
5) densaýlyq jaǵdaıy, onyń ishinde psıhıkalyq saýlyǵy, esirtkige (ýytqumarlyqqa), alkogolge táýeldi emestigi týraly anyqtamany;
6) sottalmaǵandyǵy týraly anyqtamany;
7) jaqyn týystarynyń bala asyrap alýǵa jazbasha kelisimin;
8) dostarynyń nemese kórshileriniń keminde úsh usynym hatyn;
9) turǵyn úıiniń bar-joqtyǵyn rastaıtyn qujatty;
10) bala asyrap alý jónindegi ýákiletti sheteldik memlekettik organdar men uıymdardyń yqtımal bala asyrap alýshylardyń jeke basynyń adamgershilik qasıetteri týraly arnaıy bergen anyqtamasyn;
11) bala asyrap alýǵa quqyǵyn rastaıtyn qabyldaýshy memlekettiń quzyretti organy bergen qujatty;
12) asyrap alynǵan balanyń Qazaqstan Respýblıkasynan qabyldaýshy memleketke barýyna ruqsatty;
13) mynadaı:
asyrap alynǵan balanyń Qazaqstan Respýblıkasy Syrtqy ister mınıstrliginde tirkelýi;
18 jasqa tolǵanǵa deıin asyrap alynǵan balada Qazaqstan Respýblıkasy azamattyǵynyń saqtalýy jáne onyń Qazaqstan Respýblıkasynyń sheteldik mekemelerinde esepte bolýy;
kezdeısoq jaǵdaıattar kezinde qamqorshylardy belgileý týraly mindettemelerdi usynady.
28. Ýákiletti organ Respýblıkalyq derekter banki arqyly akkredıttelgen agenttikke Qazaqstan Respýblıkasynan tys jerde turaqty turatyn Qazaqstan Respýblıkasynyń azamattaryna, sheteldikterge balanyń qujattaryn tanysý úshin jiberedi.»;
32-tarmaq mynadaı redaksııada jazylsyn:
«32. Ýákiletti organ respýblıkalyq derekter banki arqyly bergen joldamaǵa sáıkes bala turatyn jerdegi organǵa kelgennen keıin Qazaqstan Respýblıkasynan tys jerde turaqty turatyn Qazaqstan Respýblıkasynyń azamattary, sheteldikter bala ornalasqan bilim berý, medısınalyq jáne ózge de uıymǵa barady jáne:
1) balany tańdaıdy, organ ókiliniń jáne qajet bolǵan jaǵdaıda aýdarmashynyń qatysýymen tıisti bilim berý, medısınalyq jáne ózge de uıymnyń erejesine sáıkes rejım talaptaryn saqtaı otyryp, onymen keminde tórt apta tikeleı qatynasady (balamen, onyń ádetterimen, talǵamymen, mineziniń erekshelikterimen jeke tanysý, serýendeý, oıyndar);
2) balanyń densaýlyq jaǵdaıy týraly medısınalyq qorytyndymen tanysý faktisin osy Qaǵıdalarǵa 2-qosymshaga sáıkes jazbasha nysanda rastaıdy;
3) tilek bildirse, bala ornalasqan bilim berý, medısınalyq jáne ózge de uıym ókiliniń qatysýymen asyrap alynatyn balany táýelsiz medısınalyq kýálandyrýdan ótkizý úshin medısınalyq mekemege júginedi;
4) bala asyrap alý rásiminen bas tartýdy nemese oǵan odan ári qatysýdy osy Qaǵıdalarǵa 3-qosymshaga sáıkes jazbasha rastaıdy.».
2. Osy qaýly 2017 jylǵy 1 qańtardan bastap qoldanysqa engiziletin 1-tarmaqtyń úshinshi, tórtinshi, jıyrma birinshi, jıyrma ekinshi, jıyrma úshinshi, jıyrma tórtinshi, jıyrma besinshi, jıyrma altynshy, jıyrma jetinshi, jıyrma segizinshi, jıyrma toǵyzynshy, otyzynshy, otyz birinshi, otyz ekinshi, otyz úshinshi, otyz tórtinshi, otyz besinshi, otyz altynshy, otyz jetinshi, otyz segizinshi, otyz toǵyzynshy, qyrqynshy, qyryq birinshi, qyryq ekinshi, qyryq úshinshi, qyryq tórtinshi, qyryq besinshi, qyryq altynshy, qyryq jetinshi, qyryq segizinshi, qyryq toǵyzynshy, elýinshi, elý birinshi, elý ekinshi, elý úshinshi, elý tórtinshi, elý besinshi, elý altynshy, elý jetinshi, elý segizinshi, elý toǵyzynshy abzastaryn qospaǵanda, alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV